|
4-
اللّهُ يَسْتَهْزِئُ بِهِمْ وَيَمُدُّهُمْ فِي طُغْيَانِهِمْ يَعْمَهُونَ ٭ أُوْلَـئِكَ الَّذِينَ اشْتَرُوُاْ الضَّلاَلَةَ بِالْهُدَى فَمَا رَبِحَت تِّجَارَتُهُمْ وَمَا كَانُواْ مُهْتَدِينَ
(Аллоҳ уларнинг устидан кулади ва ўз туғёнларида адашиб-улоқиб юришларини давомли қилади. Улар ҳақ йўлнинг ўрнига залолатни сотиб олган кимсалар бўлиб, бу савдоларида фойда қилмадилар ва тўғри йўлга юрувчилардан бўлмадилар). [2:15-16]
Яъни, уларни мазахларига яраша мазах билан жазолайди. (استهزاء )нинг жазосини (استهزاء ) билан белгилаяпти.
وَجَزَاء سَيِّئَةٍ سَيِّئَةٌ مِّثْلُهَا
– „(Ҳар қандай) ёмонликнинг жазоси худди ўзига ўхшаган ёмонликдир“. [42:40]
فَمَنِ اعْتَدَى عَلَيْكُمْ فَاعْتَدُواْ عَلَيْهِ بِمِثْلِ مَا اعْتَدَى عَلَيْكُمْ
– „Бас, ким сизларга тажовуз қилса, сизлар ҳам уларга тажовузлари муқобилида тажовуз қилинг!“. [2:194]
Бу ерда ёмонликнинг жазоси ёмонлик, тажовузнинг жазоси тажовуз бўляпти. Гарчи жазонинг ўзи ёмонлик ва тажовуз бўлмаса-да, шундай сўзлар ишлатиляпти. Бу нарса араб тилига кўра, мажозий истеъмол, дейилади. Аллоҳ Таолонинг
يَسْتَهْزِئُ بِهِمْ
(уларнинг устидан кулади), деган гапи олдингиларга атф қилинмасдан (олдингиларга уюшиб келмасдан) алоҳида янги гап бўлиши унинг маъносини ўта кучайтириб юборади. Яъни, Аллоҳнинг Ўзи уларни қиёмига етказиб мазах қилур. Бу ерда уларнинг
اللّهُ يَسْتَهْزِئُ بِهِمْ
деган гапларига монанд қилиб, Аллоҳ мазах қилгувчидир, ибораси ишлатилмасдан унинг ўрнига мазах қилур иборасининг ишлатилаётгани бу ишнинг соатма-соат такрорланиб туришини, давомийлигини англатади. Токи, уларга бериладиган жазо қаттиқ ва давомий бўлсин. Шунинг учун ҳам унинг ортидан уларнинг залолатда адашиб-довдираб юришлари давомли этилиши айтиляпти. Яъни, улар ўз залолатларида, кофирликларида чиқиб кетишга йўл топа олмасдан, гангиб-довдираб юраверадилар.
Кейин Аллоҳ Таоло мунофиқларнинг ҳидоят ўрнига залолатни сотиб олганларини, савдоларида зиён кўриш билан бу дунёларини қўлдан бой берганларини, ҳидоятларини йўқотишлари билан эса охиратларини ҳам қўлдан бой берганларини баён қилади.
@ @ @
67-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204